Dinamalar

இளையராஜாவின் அண்ணன் மகன் பாவலர் சிவன் மறைவு

இளையராஜாவின் அண்ணன் பாவலர் வரதராஜனின் மகனான பாவலர் சிவன் (60) உடல்நலக்குறைவால் புதுச்சேரியில் இன்று(மே 2) காலமானார்.

இந்தியாவே போற்றும் இசையமைப்பாளர் இளையராஜா. இவரது சகோதரர் பாவலர் வரதராஜன். பாடகர், பாடலாசிரியர், இசையமைப்பாளர், நாடக எழுத்தாளர் என பன்முகத்தன்மை கொண்டவர். இளையராஜாவின் ஆரம்பகால வளர்ச்சியில் முக்கிய பங்காற்றிய இவர் கடந்த 1973ல் மறைந்தார்.

இவரது மகன்களில் ஒருவரான பாவலர் சிவன் (60) எனும் சிவா என்பவர் இளையராஜாவின் இசைக்குழுவில் பயணித்து வந்தார். கிதார் இசைக்கலைஞரான இவர் ஓரிரு படங்களுக்கும் இசையமைத்துள்ளார். புதுச்சேரியில் வசித்து வந்த இவர் உடல்நலம் பாதிக்கப்பட்டிருந்த நிலையில் இன்று காலையில் காலமானார். இவரது மறைவு இளையராஜா குடும்பத்தினர் இடையே சோகத்தை ஏற்படுத்தி உள்ளது.

தினா இரங்கல்
இசையமைப்பாளர் தினா வெளியிட்ட இரங்கல் பதிவு : இசைஞானி அவர்களின் மூத்த சகோதரர் பாவலர் வரதராஜன் அவர்களின் மகன் கிதார் இசைக் கலைஞர் சிவராமன் காலமானார் என்று வருத்தத்துடன் தெரிவித்துக் கொள்கிறேன். அவர் ஆன்மா சாந்தி அடைய இறைவனை வேண்டுகிறேன்

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  ஹாலிவுட் படத்தில் அறிமுகமாகும் ஜிவி பிரகாஷ், யோகிபாபு
• 
  சிவகார்த்திகேயனை கவுரவித்த ராணுவ பயிற்சி மையம்!
• 
  சூர்யா 44வது படத்தின் டைட்டில் 'கல்ட்'
• 
  உதயநிதிக்கு பிறந்தநாள் வாழ்த்து தெரிவித்த அஜித்குமார்
• 
  வைரலாகும் சித்தார்த் - அதிதி ராவ் திருமண புகைப்படங்கள்