குட் பேட் அக்லி டிரைலர் வெளியானது : நிச்சயம் அஜித் ரசிகர்களுக்கு கொண்டாட்டமே...! | ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு | ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு | சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி' | மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது! | சோபிதா துலிபாலாவின் அடுத்த தமிழ் படம்! | ரேஸ் காரை ஓட்டும் அஜித்தின் மகன் ஆத்விக்! வைரலாகும் வீடியோ!! | எதிர்பார்த்ததை விட பாசிட்டிவான விமர்சனங்கள் - விக்ரம் வெளியிட்ட வீடியோ! | பரபரப்பில்லாமல் இன்றைய வெளியீடுகள் | ஆறு மாதங்கள் தள்ளிப் போனது 'இட்லி கடை' |
பிரபல கர்நாடக இசைக்கலைஞரான எஸ்ஜே ஜனனி ‛வடக்கன்' என்ற படத்திற்கு இசையமைக்கிறார். சிறு வயதில் இருந்தே இசைப்பயிற்சி பெற்று இளம் வயதிலேயே மேடை கச்சேரிகளில் பாடியவர் எஸ்ஜே ஜனனி. கர்நாடக இசை, இந்துஸ்தானி, உள்ளிட்ட இசைகளில் இவர் கற்றுத்தேர்ந்தவர்.
பாடகி, இசை தொகுப்பாளர், இசையமைப்பாளர் என பன்முகத் திறமை கொண்டவர். ஆயிரத்திற்கும் மேற்பட்ட மேடை கச்சேரிகளில் பாடி உள்ளார். 'புதிய உலகம் மலரட்டுமே' என்ற பாடலுக்கு 'உலக அமைதிப் பாடல்' என்ற விருதை பெற்றுள்ளார். மேலும் மத்திய அரசின் தேசிய விருது, தமிழக அரசின் கலைமாமணி விருது போன்ற ஏராளமான விருதுகளையும் வென்றுள்ளார். பக்தி, பாப் உள்ளிட்ட 80க்கும் மேற்பட்ட ஆல்பங்களுக்கும் இசைப்பணி செய்துள்ளார். மறைந்த கர்நாடக இசை கலைஞர் பாலமுரளி கிருஷ்ணாவின் மாணவி இவர் ஆவார். ஏற்கனவே பிரபா என்ற படத்திற்கு இசையமைத்தார். இப்போது இரண்டாவதாக வடக்கன் படத்தில் இசையமைப்பாளராக களமிறங்கி உள்ளார்.
'எம்டன் மகன்', 'வெண்ணிலா கபடி குழு, நான் மகான் அல்ல' உள்ளிட்ட படங்களுக்கு கதாசிரியராக பணியாற்றிய எழுத்தாளர் பாஸ்கர் சக்தி ‛வடக்கன்' படத்தின் மூலம் இயக்குநராக அறிமுகமாகிறார். புதுமுகங்கள் நடிக்கின்றனர். ரமேஷ் வைத்யா இப்படத்திற்கு பாடல்கள் எழுதியுள்ளார். டிஸ்கவரி சினிமாஸ் வேடியப்பன் தயாரிப்பில், சினிமா பேலஸ் வழங்கும் 'வடக்கன்' படத்தின் படப்பிடிப்பு இன்று இனிதே துவங்கியது.