விஜய் 67வது படத்தின் படப்பிடிப்பு பூஜையுடன் தொடங்கியதா...?

06 டிச, 2022 - 12:30 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ், தெலுங்கில் தயாராகும் வாரிசு படத்தில் விஜய் நடித்து முடித்து விட்டார். இந்த படம் ஜனவரி 12ம் தேதி வெளியாகிறது. படத்தை முடித்த கையோடு சிறிது ஓய்வெடுத்த விஜய் அடுத்த படத்திற்கு தயாராகி விட்டார். கடந்த ஆண்டு மாஸ்டர் படத்தில் லோகேஷ் கனகராஜூடன் இணைந்த விஜய், தற்போது மீண்டும் இணைகிறார். விக்ரம் என்கிற மாபெரும் வெற்றிப் படத்தை கொடுத்து விட்டு லேகேஷ் கனகராஜூம் விஜய்யிடம் வந்து சேர்ந்திருக்கிறார்.

இருவரும் இணையும் புதிய படத்திற்கு இன்னும் பெயர் வைக்கவில்லை. தற்போதைக்கு தளபதி 67 என்று வைத்திருக்கிறார்கள். இந்த படத்தின் பூஜை நேற்று சென்னை ஏவிஎம் ஸ்டூடியோவில் எளிமையாக நடந்ததாக கூறப்படுகிறது. விஜய், லோகேஷ் கனகராஜ் உள்ளிட்ட படக்குழுவினர் கலந்து கொண்டனர். குறைந்த எண்ணிக்கையிலான நபர்கள் இதில் கலந்து கொண்டனர், கேமராக்கள், செல்போன்கள் உள்ளே அனுமதிக்கப்படவில்லை, என்கிறார்கள். இதனால் படத்தின் பூஜை தொடர்பான படங்கள் வெளியாகவில்லை.

இந்த படத்தின் படப்பிடிப்புகள் இன்று முதல் தொடங்குகிறதாம். ஏவிஎம் ஸ்டூடியோவில் அமைக்கப்பட்டுள்ள இண்டோர் செட், பிரசாத் ஸ்டூடியோவில் அமைக்கப்பட்டுள்ள அவுட்டோர் செட்களில் படப்பிடிப்பு நடக்கிறது. ஆனால் இதில் விஜய் நடிக்கவில்லை. விஜய் இல்லாத காட்சிகள் படமாக்கப்படுகிறது என்று தயாரிப்பு தரப்பு தகவல்கள் தெரிவிக்கின்றன.

Vijay67

Actorvijay

Thalapathy67

Lokeshkanagaraj

கருத்துகள் (0) கருத்தைப் பதிவு செய்ய

‛வெண்ணிலா கபடி குழு' ஹரி வைரவன் ...

நடிப்பும், கலை இயக்கமும் இரு கண்கள்: ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய