Dinamalar

அரசியல் கதையில் சூர்யாவின் வாடிவாசல் - வெற்றிமாறன் வெளியிட்ட புதிய தகவல்!

தற்போது விஜய் சேதுபதி, சூரி நடித்துவரும் விடுதலை படத்தை இரண்டு பாகங்களாக இயக்கி வருகிறார் வெற்றிமாறன். ஏற்கனவே சூர்யா நடிக்கும் வாடிவாசல் படத்திற்காக காளைகளுடன் அவருக்கு பயிற்சி கொடுத்து அது குறித்து வீடியோ காட்சிகளை வெளியிட்டார். இதனால் உடனடியாக வாடிவாசல் தொடங்கப்படும் என்று எதிர்பார்க்கப்பட்ட நிலையில் விடுதலை படத்தை இரண்டு பாகங்களாக இயக்குவதால் அதிக காலதாமதம் ஏற்பட்டது. இதனால் தற்போது சூர்யா, வணங்கான் மற்றும் சிறுத்தை சிவா இயக்கும் தனது 42வது படத்திலும் நடித்து வருகிறார்.

இந்த நேரத்தில் வெற்றி மாறன் அளித்துள்ள ஒரு பேட்டியில், வாடிவாசல் 1960களில் நடைபெறும் கதையில் உருவாகிறது. குறிப்பாக இந்த படத்தில் ஜல்லிக்கட்டு மையமாக இருந்தாலும், அந்த காலகட்டத்தில் நடக்கும் அரசியல் கதையில் வாடிவாசல் உருவாகிறது என்று தெரிவித்திருக்கிறார் வெற்றிமாறன். அந்த வகையில் அரசியலை மையப்படுத்தி ஏற்கனவே அவர் இயக்கிய வடசென்னை, அசுரன் படங்களை போன்ற பீரியட் கதையில் சூர்யா நடிக்கும் வாடிவாசலும் உருவாகிறது.

• இவரை பற்றி
• செய்திகள்
• ஆல்பம்