Dinamalar

சல்மான்கான், சிரஞ்சீவியை ஆட வைத்த பிரபுதேவா

டோலிவுட் ஸ்டார் சிரஞ்சீவியும், பாலிவுட் ஸ்டார் சல்மான் கானும் இணைந்து நடிக்கும் படம் 'காட்பாதர்'. மலையாளத்தில் வெளிவந்த லூசிபர் படத்தின் ரீமேக். இதில் மோகன்லால் நடித்த கேரக்டரில் சிரஞ்சீவும், பிருத்விராஜ் நடித்த சிறப்பு தோற்றத்தில் சல்மான்கானும் நடிக்கிறார்கள். நயன்தாரா, சத்யதேவ், சுனில், சமுத்திரக்கனி உள்ளிட்ட பலர் முக்கிய வேடங்களில் நடித்துள்ளனர். நிரவ்ஷா ஒளிப்பதிவு செய்திருக்கும் இந்த திரைப்படத்திற்கு தமன் இசை அமைத்துள்ளார், மோகன்ராஜா இயக்கி உள்ளார்.

இந்த படத்தில் இடம்பெறும் 'தார் மார் தக்கரு மார்..' என்ற பாடலின் லிரிக்கல் வீடியோ தெலுங்கு மற்றும் இந்தி மொழியில் வெளியிடப்பட்டிருக்கிறது. பெரும் எதிர்பார்ப்பில் இருந்த இந்த பாடலில் சிரஞ்சீவி, சல்மான் கான், பிரபுதேவா ஆகியோர் இணைந்து, நடனம் ஆடியிருக்கிறார்கள். பிரபு தேவா உடன் ஆடியிருப்பதுடன் நடன இயக்கமும் செய்திருக்கிறார். ஸ்ரேயா கோஷல் பாடியிருக்கிறார். இந்தப் பாடலை ஆனந்த ஸ்ரீராம் எழுதியிருக்கிறார்.

'காட்பாதர்' திரைப்படத்தை கொனிடேலா புரொடக்ஷன்ஸ் மற்றும் சூப்பர் குட் பிலிம்ஸ் ஆகிய முன்னணி பட நிறுவனங்களின் சார்பில் பிரபல தயாரிப்பாளர்கள் ஆர். பி. சவுத்ரி மற்றும் என். வி. பிரசாத் ஆகியோர் தயாரித்திருக்கிறார்கள். அக்டோபர் 5ம் தேதி தசரா திருவிழா நாளில் தெலுங்கு மற்றும் ஹிந்தியில் வெளியிட திட்டமிடப்பட்டுள்ளது.

• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'

• 
  ராம்சரணுடன் ஆர்வமாக புகைப்படம் எடுத்த அமெரிக்க அதிபரின் மகன்
• 
  ஆஸ்கர் நாமினேஷனில் 'மகா அவதார் நரசிம்மா'
• 
  நான் கார்த்தியின் தீவிர ரசிகை : கிர்த்தி ஷெட்டி
• 
  இன்னும் 50 நாள் : பராசக்தி புதிய போஸ்டர் வெளியீடு
• 
  ஆர்யன் படம் வருகிற 28-ல் நெட்பிளிக்சில் வெளியாகிறது