Dinamalar

கங்கனா ரணவத் படத்தால் ரூ.70 கோடி நஷ்டம்

ஹிந்தித் திரையுலகத்தின் முன்னணி நடிககைளில் ஒருவர் கங்கனா ரணாவத். அவ்வப்போது ஏதாவது சர்ச்சை கருத்துக்களைச் சொல்லி மீடியாவின் வெளிச்சத்திலேயே இருப்பவர். கங்கனா கதாநாயகியாக நடித்த 'தக்கட்' என்ற ஹிந்திப் படம் கடந்த மே மாதம் 20ம் தேதி தியேட்டர்களில் வெளியானது. சுமார் 70 கோடி ரூபாய் பட்ஜெட்டில் எடுக்கப்பட்ட இந்தப் படம் வெறும் 3 கோடியை மட்டுமே வசூலித்து பாலிவுட்டிற்கு பெரும் அதிர்ச்சியைக் கொடுத்தது. தியேட்டர்களில் மக்கள் வராததால் படம் வெளியான சில நாட்களிலேயே பல ஊர்களில் காட்சிகள் ரத்து செய்யப்பட்டன.

படத்தின் பட்ஜெட்டுடன் சேர்த்து புரமோஷனுக்காக மேலும் ஒரு 10 கோடி ரூபாயை செலவு செய்துள்ளனர். அதனால் மொத்தமாக 80 கோடி ரூபாய் வரை படத்திற்கு செலவாகியுள்ளது. படம் படுதோல்வி அடைந்ததால் ஓடிடி, சாட்டிலைட் உரிமைகளையும் பெரிய விலைக்கு விற்க முடியாத நிலைக்குத் தள்ளப்பட்டுள்ளனர். அவற்றின் உரிமை சுமார் 5 கோடி வரை போகும் என்று எதிர்பார்க்கப்படுகிறது.

தியேட்டர் வசூல், ஓடிடி உரிமை, சாட்டிலைட் ஆகியவை நீங்கலாக இந்தப் படம் எப்படியும் 70 கோடி ரூபாய் வரை நஷ்டத்தை ஏற்படுத்தியிருக்கும் என பாலிவுட்டில் தெரிவிக்கிறார்கள். சமீபத்தில் வெளிவந்த படங்களில் இந்த அளவிற்கு நஷ்டத்தைக் கொடுத்த படம் இதுதான் என்கிறார்கள்.

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்