Dinamalar

விக்ரமின் கோப்ரா எப்போது ரிலீஸ்!

இமைக்கா நொடிகள் படத்தை அடுத்து அஜய் ஞானமுத்து இயக்கியுள்ள படம் கோப்ரா. விக்ரம் பல கெட்டப்புகளில் நடித்துள்ள இப்படத்தின் படப்பிடிப்பு 2019ல் தொடங்கப்பட்டு கொரோனா தொற்று காரணமாக தாமதமாகி வந்தது. இந்நிலையில் தற்போது படப்பிடிப்பு முடிவடைந்து இறுதிக்கட்ட பணிகள் நடைபெற்று வருகிறது.

விஜய்யின் மாஸ்டர் படத்தை தயாரித்தவர்களில் ஒருவரான லலித்குமார் தயாரித்துள்ள இப்படம் எப்போது ரிலீசாகப்போகிறது என்று விக்ரமின் ரசிகர்கள் எதிர்பார்த்து வரும் நிலையில், 2022ம் ஆண்டு மார்ச் மாதத்தில் கோப்ராவை வெளியிட திட்டமிட்டிருப்பதாக லலித்குமார் தெரிவித்துள்ளார். ஸ்ரீநிதி ஷெட்டி நாயகியாக நடித்துள்ள இந்த படத்தில் கிரிக்கெட் வீரர் இர்பான் பதான் வில்லனாக நடிக்க, ஏ.ஆர்.ரகுமான் இசையமைத்துள்ளார்.

• இவரை பற்றி
• செய்திகள்
• ஆல்பம்