Dinamalar

16 ஆண்டுகளுக்கு பிறகு மீண்டும் மோகன்லாலை இயக்கும் அமல் நீரத்

மலையாளத்தில் ஒளிப்பதிவாளராக சினிமாவில் நுழைந்து பின்னர் மம்முட்டி நடித்த பிக் பி என்கிற கல்ட் கிளாசிக் படம் மூலமாக இயக்குனராக அறிமுகமானவர் அமல் நீரத். பிரித்விராஜ் நடித்த அன்வர், பஹத் பாசில் நடித்த வரதன், துல்கர் சல்மான் நடித்த காம்ரேட் இன் அமெரிக்கா என சீனியர் ஜூனியர் முன்னணி நடிகர்கள் பலரையும் வைத்து படங்களை இயக்கியுள்ளார். கடந்த வருடம் பஹத் பாசில் மற்றும் குஞ்சாகோ போபன் இணைந்து நடித்த போகன் வில்லா என்கிற படத்தை இவர் இயக்கினார். இந்த நிலையில் அடுத்ததாக இவர் மோகன்லால் படத்தை இயக்க இருக்கிறார். வரும் அக்டோபர் மாதம் இந்த படத்தின் படப்பிடிப்பு துவங்க இருக்கிறது.

மோகன்லால், அமல் நீரத் இருவரின் தயாரிப்பு நிறுவனங்களுமே இணைந்து இந்த படத்தை தயாரிக்கின்றன. இதற்கு முன்பாக கடந்த 2009ல் மோகன்லாலை வைத்து சாகர் அலைஸ் ஜாக்கி என்கிற படத்தை அமல் நீரத் இயக்கியிருந்தார். அந்த படம் பாக்ஸ் ஆபிஸில் மிகப்பெரிய வெற்றியைப் பெற்றாலும் அதன் பிறகு இவர்கள் இருவரும் இணைந்து பணியாற்றுவதற்கான வாய்ப்பு அமையவில்லை. இந்த நிலையில் 16 வருடங்கள் கழித்து இவர்கள் மீண்டும் இந்த புதிய படத்தில் இணைவதால் படம் குறித்த எதிர்பார்ப்பு ரசிகர்களிடம் அதிகம் எழுந்துள்ளது.

• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்

• 
  அங்கிளான என்னை அண்ணனாக மாற்றிவிட்டார் பஹத் பாசில் ; இயக்குனர் சத்யன் ...
• 
  விநாயகர் சதுர்த்தி கொண்டாட்டத்திற்காக தானாகவே விநாயகர் சிலையை ...
• 
  ஆஸ்கர் போட்டிக்கு தேர்வான மலையாள இயக்குனர் படம்
• 
  ‛வார் - 2' படம் தோல்வி அடைந்ததால் ஜூனியர் என்டிஆரின் அடுத்த படத்தை ...
• 
  டைட்டிலில் என் பெயரையும் சேர்த்து இருக்கலாம் ; நெட்பிளிக்ஸை கிண்டலடித்த ...